Radiatorët panel prodhohen nga llamarina e çelikut të ftohtë
DC-01 në përputhje me standardet DIN-EN442. Lënda e
parë blihet nga furnizues të njohur botërorë si
Mittal Group për llamarinë të celikut, gjë që
siguron cilësi të lartë të materialeve bazë.
Linja për prerjen e llamarinës përdoret për procesim-prerje të llamarinës në dimenzione të ndryshme për të gjitha tipet e radiatorëve panel. Linja është e shpejtësisë së lartë dhe plotësisht automatike me teknologjinë që lejon
shpejtësi të prodhimit deri në 300 m/min.
Radiatorët gyporë prodhohen sipas standardit EN 442 nga çeliku me D-profile të dimensioneve 30*40mm dhe gypa me diametër 20mm në makineri automatike për prerje të profileve dhe gypave, saldimit dhe janë të trajtuar dhe pastruar në kabina automatike te zallitjes me sfera.për mbrojte të lartë ndaj korrozionit. Radiatorët janë të paketuar në ambalazhim me karton, foli special dhe plastika mbrojtëse.
Linja e prodhimit të radiatorëve panel operon me makinerinë më të avancuar në industri nga Gjermania Zvicra dhe Sllovenia. Fabrika ka dy linja prodhimi për radiatorë panel,
të përbëra nga formimi i pllakave të radiatorit, saldimi shumëpikësh, saldimi konvektorëve, saldimi gjatësor dhe anësor, prerja e skajeve dhe saldimi i distancerëve.
Radiatorët janë të gjithë të testuar në shtypje prej 10bar dhe kanë një shtypje operuese prej 7bar. Radiatorët panel kanë garancion 10 vjeçar ndërsa ata gyporë 5 vjeçar kundër defekteve në material dhe operim.
Linjat e trajtimit të sipërfaqes, ngjyrosjes bazë dhe ngjyrosjes finale janë të pajisura me kabinat më të reja nga Gjermania dhe Zvicra. Radiatorët i nënshtrohen trajtimit të sipërfaqes dhe një procesi dy-hapësh të ngjyrosjes, gjë që siguron jetëgjatësinë, rezistencë të lartë ndaj korrozionit si dhe ngjyrën ideale. Radiatorët janë të ngjyrosur me shtresë epoxy-poliester RAL-9010.
Radiatorët ruhen në paleta dhe transportohen të mbuluar. Ata mbahen në depon e fabrikës ku janë të mbrojtur mirë nga kushtet e vështira atmosferike. Në mënyrë që të sigurohet cilësia, paletat nuk vendosen mbi njëra tjetrën. Të gjitha produktet janë të ruajtura mirë në përputhje me llojin dhe madhësinë e tyre.
Të gjitha produktet janë të ambalazhuara me kujdes pas një kontrolli final. Ato janë të mbështjellura me material me fluska, të mbrojtura me plastikë në anën e pasme dhe karton në pjesët anësore për të garantuar transportim të sigurt. Secili radiator shënohet anash me dimensionet dhe llojin përkatës, logon si dhe çertifikimet respektive.

• Prodhimi
 






Zhvilluar dhe dizajnuar:
BALLINA   |   KOMPANIA   |   PRODUKTET   |   PRODHIMI   |   LAJMET   |  KONTAKT
Main Office:
Tel +381(0) 280 324 430,  Fax +381(0) 280 324 333
Email: info@enrad-ks.com
© ENRAD 2013 All Rights Reserved